Tumaas Sa 312 Ang Bilang Ng Cancelled Domestic At International Flight Dahil Sa Masamang Panahon

Tumaas hanggang 312 ang bilang ng cancelled domestic at 8 international flight, ayon sa Civil Aviation Authority of the Philippines (CAAP), dulot ng malakas na hangin at buhos ng ulan sa ibat-ibang lugar sa bansa dala ng bagyong si Tino.

Batay sa report umabot na sa 75 cancelled domestic at 4 international ng Philippine Airlines (PAL), 80 sa PALEXpress, 27 sa Cebu Pacific, 49 at 4 international flight ng Cebgo, 11 sa Air Swift, 65 sa Air Asia, apat sa Sunlight Air, at isa sa T’ way air.

Ayon sa CAAP karamihan sa mga apektadong flight ay ang Manila papuntang Mindanao, Cebu, Iloilo, Clark, El Nido, Puerto Princisa, Caticlan, Camigiuin, Tagbilaran, Tacloban, Antique, Roxas, Bacolod, Kalibo, Siargao, dumaguete, Masbate, Ozamis, Butuan, Busuanga, Catarman, General Santos, Pagadian, Zamboanga, Cagayan de Oro at Bacolod.

Kaugnay nito pinapayuhan ang lahat ng mga pasahero na makipag-ugnayan sa kani-kanilang airlines company para sa rebooking sa kanilang flight iskidyul. (froialn morallos)