Siyam na Chinese National Timbog sa May Manila Bay

Dinampot ng mga tauhan ng Bureau of Immigration (BI), sa may Manila Bay ang siyam na Chinese national, dahil sa paglabag sa ipinagkaloob ng ahensiyang ito sa  kanilang pansamantalang paninirahan sa bansa.

Ayon sa report nahuli ang mga ito noong nakalipas na June 29, matapos ang isang buwan Surveillance o pagmamanman sa kinaroro-unan ng mga suspek at sa tulong ng prebadong sektor.

At nasakote ang mga ito sa koordinasyon sa pagitan ng BI’s Intelligence Division, at ng mga tauhan ng Armed Forces of the Philippines (AFP), pagkababa sa kanilang sinakyan dalawang motor boat sa may baybayin dagat o shore line ng Paranaque Fish Port sa Barangay Dongalo Paranaue City.

Ayon kay Fortunato Manahan Jr., kinilala ang siyam na Chinese national na sina Li Weilin, Liu Peng, Wang Yong, Huang Haibing, Gong Yuan Ju, Zhang Tao, Dai Guang Yuan, Li Jiang YU at Tian De.

Dagdag pa ni Manahan ang apat sa mga nahuli ay mayroon hawak na 9G visa, at konektado sa isang Engineering Company dito sa bansa, habang ang lima ay pawang mga overstaying at undocumented.

Nakarating sa kanilang kaalaman na ang mga suspek ay illegally nagtratrabaho sa isang barko sa Manila bay.

Nakasaad sa Immigration law, “any foreign national with valid working visa, if found to be working in different company are violating the conditions of their stay.”

Agad na dinala ang siyam sa BI Detention Facility sa Camp Bagong Diwa sa Taguig City. (froilan morallos)