Puganteng Koreano Timbog sa Paranaque City

Inaresto ng mga kawani ng BI Fugitive Seach Unit (FSU) ng Bureau of Immigration (BI) sa Paranaque City ang isang Korean national na wanted sa Korea dahil sa pagkakadawit sa telecommunications fraud sa Seoul.

Kinilala ni Immigration Commissioner Joel Anthony Viado ang suspek na si Park Seungeon, 24, anyos at nahuli ito noong February 27, sa may Bradco Avenue, Parañaque City.

Dinampot ito sa bisa ng mission order na inisyu ni Viado at sa tulong ng South Korean government sa kinarorunan ni Park.

Ayon kay BI-FSU chief Rendel Ryan Sy, si Park ay mayroon nakabinbin na Warrant of Arrest na pinalabas ng Incheon District Court sa Seoul, ilang taon na ang nakakalipas.

At ayon sa report ng Korean authorities itinuturo ito (Park) naisang miyembro ng telecom fraud syndicate,kung saan nakakulimbat ng mahigit sa 20.1 milyon Won katumbas ng 14,000 tawsan US dollars.

Ayon sa record ng immigration dumating si Park sa bansa noong pang August 19,2022 at hindi  naisipan umalis hanggang sa ngayon.

Mananatili ito sa BI warden facility in Camp Bagong Diwa, Taguig City habang naka-pending ang kanyang deportation order sa opisina ng BI Board of Commissioners. (froilan morallos) .