Puganteng Chinese National Timbog sa NAIA

Inaresto ng Immigration Authorities sa Ninoy Aquino International Airport (NAIA) ang isang Chinese national na tumatayong leader sa kanilang operasyon sa illegal gambling sa China.

Kinilala ni Immigration Commissioner Joel Anthony Viado ang suspek na si Huang Sen, 38, anyos at na- intercept ito noong January 1 sa may departure area ng naia terminal 1 pagpasok sa immigration counter.

Nahuli si Huang dahil sa red notice na inisyu ng Beijing interpol noong December 4 nakaraang taon, at paki-usap ng Chinese government.

Ayon kay BI-Interpol Unit Acting Chief Peter de Guzman, si Huang ay mayroon Warrant of Arrest na inisyu ng Public Security Bureau ng Luojiang District in Deyang, China noong Aug. 27 nakaraang taon.

Nag-ugat ang kaso ni Huang dahil sa pakikipagsabwatan sa pagpapatakbo ng on line illegal gambling o sa pamamagitan ng internet, kasama ang mga tauhan na umaabot sa 70,000 ang bilang ng kanyang nasasakupan.

At nakakulikta ito ng mahigit sa 700 bilyon Yuan katumbas ng 95 bilyon US dollar gambling funds, at kumita ng dalawang bilyon Yuan o 272 milyon US dollars sa kanilang operasyon.(froilan morallos)