Pasahero ng United Airlines Isinugod sa Paggamutan

Isinugod sa malapit na paggamutan ang isang pasahero ng United Airlines matapos bumagsak sa immigration area ng Ninoy Aquino International Airport (NAIA) terminal 3 pagkalabas sa kanyang  sinakyan na eroplano.

Ayon sa report ng Immigration Border Control and Intelligence Unit (BCIU), Unit head Brian Allas dumating ito dakong Alas 6:46 kahapon ng umaga sakay ng United Airlines flight UA-189 galing   San Francisco California USA.

 Kinilala itong biktima na si Gorge Anderson Bingham Jr. 62 anyos, at kasalukuyang ino-obserbahan o under observation ng Makati Medical Center Doctors.

At ayon sa mga rumesponding mga kawani ng Manila International Airport Authority (MIAA) medical team bumaba ang blood pressure at oxygen ni Bingham na siyang nagging dahilan upang manghina ito, at bumagsak sa sahig. (froilan morallos)