Mga Buhay na Singsing Pari Nasabat Sa NAIA

Na-intercept ng mga tauhan ng Bureau of Customs (BOC) sa Ninoy Aquino International Airport (BOC-NAIA) ang isang parcel na naglalaman ng mga buhay na millipedes o kung tawagin singsing pari.

Ayon kay Customs-NAIA district collector Yasmin Mapa nasakote ang mga ito noong November 19, sa loob ng walong (8) misdeclared containers ang mga buhya na singsing pari sa isang warehouse sa Pasay City.

Ang mga kargamentong ito ay papuntang United Kingdom, at ideneklarang mga assorted consumer goods katulad ng juice powder mix, face masks, wooden jewelry box, instant noodles, delicacies, plastic photo frame, at craft items.

Ngunit pagdaan sa X-Ray Inspection Project (XIP) napagalaman na taliwas ang nagging deklarasyon dahil sa mga nakitang ibat-ibang images o litrato (pictures) sa scanners.

Agad naman inilipat ang nasamsam wildlife specimens sa pangangalaga ng Department of Environment and Natural Resources (DENR) upang mapangalagaan ang mga ito.

Ayon sa mga tauhan ng BOC may kakaharapin na kasong criminal ang exporter dahil sa paglabag ng Republic Act No. 10863 (Customs Modernization and Tariff Act), particular na sa ilalim ng Section 1400 (Misdeclaration) at Section 1401 (Unlawful Importation/Exportation). (froilan morallos)

Leave a Reply Cancel reply