Korean Fugitive Timbog sa Clark Airport

Inaresto ng mga tauhan ng Border Control and Intelligence Unit (BCIU) ng Bureau of Immigration (BI) sa Clark International Airport (CIA),ang isang puganteng Koreano bago makasakay sa kanyang Philippine Airline (PAL) flight papuntang Korea.

Kinilala ang suspek na si Lee Seunggon 35 anyos, at na-intercept ito sa may departure area ng CIA, makaraang madiskobre sa BI data base ng Immigration Officer on duty na ang kanyang pangalan ay nasa listahan sa may mga kasong dayuhan.

Bukod sa pagiging wanted sa Korea,nasa listahan din ito sa mga wanted na dayuhan ng ahensiyang ito,dahil sa deportation case na ihinain laban sa kanya noong June last year for being undesirable alien.

Nakarating din sa kaalaman ng BCIU’s Interpol team na mayroon itong Warrant of Arrest na inisyu ng Suwon District Court ng South Korea noong pang nakaraang taon.

At ayon sa Korean authorities si Lee ay miyembro ng isang voice phising syndicate sa Korea na nagkukunyari bilang mga kasapi ng lenders of financial institutions sa kanilang lugar.

Si Lee ay mananatili sa BI Warden Facility sa Camp bagong Diwa Taguig City, hanggat walang deportation order ang BI Board of Commissioners. (jan. 11, 2024))