Flood Control Project Pinasinayaan sa Pampanga
Pinasinayaan ng Department of Public Works and Highways (DPWH) kahapon (August 7, 2024,) ang stage 1 ng Flood Control Integrated Disaster Risk Reduction and Climate Change Adaptation (IDRR-CCA) sa mga sinasabing Low-Lying Areas sa lalawigan ng Pampanga.
Pinangunahan ni Pangulong Ferdinand Marcos jr., at ilang mga matataaas na opisyales ng pamahalaan na kinabibilangan nina House Speaker Ferdinand Martin G. Romualdez, DPWH Secretary Manuel M. Bonoan, Korean Ambassador to the Philippines Lee Sang-Hwa, Pampanga Governor Dennis G. Pineda, 4th Congressional District Representative Anna York P. Bondoc at Congressman Jorge Bustos ng Patrol Partylist.
Kasama din sa isinagawang inagurasyon sina Senior Undersecretary Emil Sadain,Director Ramon Arriola III, Regional Director Roseller Tolentino, Benjamin Bautista, Teresita Bauson, soledad Florencio, Rodrigo De Los Reyes at Stakeholders Relations Service Director Randy del Rosarion.
Ayon sa impormasyon ang proyektong ito ay umaabot sa 7.57 bilyon pesos ang halaga, at pinonduhan ng Republic of Korea sa ilalim ng Loan Agreement no. PHL-17 sa pagitan ng Pilipinas at Korean Economic Deelopment Cooperation Fund (KEDCF).
Ayon kay DPWH Secretary Manuel Bonoan isa sa pangunahing layunin ng proyektong ito ay ang maprotektahan sa tubig baha ang mga mga munsipyo ng Macabebe, Masantol, Minalin at Santo Tomas, na siyang mga kadalasan binabaha kapag mayroon bagyo o kalamidad.
At kasabay nito sinimulan na rin ang ikalawang yugto o second stage ng proyektong ito, upang mabigyan ng long term solution ang numero unong problema sa baha ng Pampanga, kung saan aayusin ang water capacity ng drainage efficiency ng mga river channel, kasama ang Eastern Branch Channel, Caduang Tete River at ang Sapang Maragul Rier.
Ayon kay Senior Undersecretary Sadain, may hawak ng DPWH infrastructure flagship projects sa ilalim ng “Build Better More” program, ng pamahalaan, nakikipagugnayan na rin sila tungkol sa financing agreement with the Asian Development Bank (ADB) para sa detailed engineering design for Central Luzon – Pampanga Floodway at San Antonio Swamp Ring Dike Project, tungkol sa long term solutionlaban sa baha ng Pampanga, Bulacan, at Nueva Ecija.(froilan morallos)
