Droga Na-intercept BOC sa NAIA

Na-intercept ng mga tauhan ng Philippine Drugs Enforcement Agency (PDEA) at Bureau of Customs (BOC) Inter-Agency Drug Interdiction Task Group sa Central Mail Exchange Center (CMEC) sa Ninoy Aquino International Airport (NAIA) ang tatlong abandonadong parcel na naglalaman ng illegal drugs.

Ayon sa report ng PDEA ang tatlong parcel ay naglalaman ng marijuana oil, Kush at shabu kung saan  ideneklara bilang Collectible Camera Film Roll, Women T-shirt, damit at dener stone na aabot sa  P7,738,800.00 milyon pesos ang halaga.

Batay sa impormasyon ang isang parcel na naglalaman ng 96 boxes ng cartridge marijuana oil ay umaabot sa 5,760.00 libong pesos, at ideneklara ang mga ito bilang collectible camera roll film at ipinadala ng ABH Studios ng California kay Eliazar Nace ng Cebu City.

At ang pangalawang kahon na naglalaman ng 468 grams ng marijuana oil na umaabot sa 665,200 ang halaga, ay ipinadala ni Linda Kim ng California USA, kay Julie Rivera ng Bacolod City.

Ang pangatlong parcel na galing sa Pakistan na naglalaman ng 967 gramo ng Shabu na ideneklara bilang mga damit at dener stone na umaabot sa 6,507,600.00 milyon pesos ang halaga, ay naka-pangalan o naka-consigne kay Erin Jane De Asis ng Naga City.

Ang naturang mga droga ay nasa kustudiya ng PDEA, at kasalukuyang nagsasagawa ng masusing  imbestigasyon, at kasunod ang paghahain ng kaso laban sa tatlong consignee. (froilan morallos)