DPWH Planning and Design Division OIC Tamayo Tiklo Sa NAIA
Inaresto ng mga tauhan ng Philippine National Police (PNP) sa Ninoy Aquino International Airport (NAIA), kahapon si Department of Public Works and Highways (DPWH) Planning and Design Division OIC Montrexis T Tamayo.
Si Tamayo ay kasama sa mga kinasuhan sa Ombudsman dahil sa paglabag ng RA 3019 o Graft and Corrupt Practices Act, bunsod sa pagkakadawit sa mga maanomalyang flood control project.
Ayon sa report dumating ito bandang alas 4:30 kahapon ng hapon (Nov.25,2025) sakay ng Emirates Air Flight Ek332 galing sa bansang Dubai.
Ang pagkakadakip nito ay batay sa Warrant of Arrest na inisyu ng Sandiganbayan na may kaugnayan sa mga kasong pandarambong na isinampa ng Department of Public Work and Highways laban kina Tamayo at iba pang personalidad. (froilan morallos)