Dalawang Puganteng Koreano Tiklo sa Paranaque at Pampanga

Inaresto ng mga tauhan ng Bureau of Immigration (BI) fugitive Search Unit (FSU) ang dalawang  puganteng South Korean national na wanted sa South Korea, dahil sa pagkakasankot ng mga nito ng illegal gambling at droga.

Ayon sa report kinilala ang mga suspek na si Choi Jonguk 42 anyos at Seo Jungchul 37 anyos at nahuli ang mga ito sa isinagawang magkakahiwalay na operasyon ng FSU sa Barangay Tambo Parañaque City at sa Clark Freeport Zone sa Angeles Pampanga.

Napagalaman na si Choi ay wanted sa kanilang lugar mag mula pa noong taon 2019,bunsod sa pago-operate ng illegal gambling website, kung saan nagkakamal ito ng limpak-limpak na salapi sa pamamagitan sa pagbebenta ng online tickets.

Habang si Seo ay wanted sa Korea dahil sa paglabag ng South Korean Narcotics Act, kung saan mayroon nakabinbin na Warrant of Arrest na inisyu ng Seoul Central Court noong taong 2017, dahil sa pagkakadawit sa pagbebenta ng droga.

Itong dalawang puganteng ay pansamantalang dadalhin sa BI Detention Center sa Camp Bagong Diwa sa Taguig City, habang nakapending ang kanilang deportation order ng BI Board of Commissioners. (froilan morallos)