Dalawang Puganteng Inaresto ng mga Tauhan ng Immigration

Inaresto ng mga Bureau of Immigration (BI) Fugitive Search Unit (FSU) ang dalawang dayuhan  na wanted sa kani-kanilang mga bansa sa dahil mga kinasasangkutan mga kaso ng pandarambong.

Ayon sa report kinilala ang dalawa na sina Hwang Seongbin 34 anyos Korean national,at Sasaki Yohei 36 anyos Japanese national, at nahuli ang mga ito noong September 30 at October 1, sa kahabaan ng Rockwell Drive, Barangay Poblacion, Makati City. at sa may Mercury St. Bahay Toro, Quezon City.

Batay sa impormasyon si Hwang ay mayroon Warrant of Arrest na inisyu ng Eujeong District Court ng South Korea dahil sa pagkakasangkot ng stock investment scam, noong kasalukuyang siya ang pangulo sa isang financial institution sa kanilang lugar.

Inakusahan siya na naglustay ng pera ng kanyang mga kliyenti ng tinatayang aabot sa 100 milyon Won katumbas ng 75,000 US dollars.

At si Yohei ay mayroon din warrant of arrest na inisyu ng Omiya Summary Court ng Saitama, Japan, hinggil sa kasong pandarambong sa pera ng mga matatanda sa isang nursing home kung saan siya nagtratrabaho bilang staff.

At ayon sa report ginuyo nito ang biktima na mag-invest sa isang bugos na transaction ng tatlong milyon Yen,at pinaniniwalaan din ito na miyembro ng Cambodia-based telecom fraud syndicate, kabilang ang kidnapping, illegal detention, extortion at pandarambong.

Si Yohei ay kasalukuyang nakakulong sa BI Detention Center sa Camp Bagong Diwa Taguig City, habang inaantay ang kanyang deportation order ng BI Board of Commissioners. (froilan morallos)