Dalawang Illegal Alien Timbog sa NAIA

Inaresto ng mga tauhan ng Bureau of Immigration (BI) sa Ninoy Aquino International Airport (NAIA) terminal 3, ang dalawang illegal aliens bago makasakay sa kanilang mga flight palabas ng bansa.

Kinilala ang mga suspek na si Ram Baldev, 43 anyos, Indian national at 65 anyos Australian national na si Peter Anthony MacFarlane, at naaresto ang mga ito noong October 23, 2024.

Nadiskobre sa talaan ng Immigration dahil wala sa BI data base ang kanilang mga arrival record, kung kayat pinaniniwlaan na hindi dumaan sa tamang proseso ang mga ito, o pumasok ang dalawa without passing Immigration Inspection.

Ang dalawang dayuhan ay kasalukuyang naga-undergo ng masusing imbestigasyon sa mga tauhan ng border control and intelligence unit (BCIU), at pagkatapos dadalhin sa BI detention facility in Camp Bagong Diwa, sa Taguig City pending deportation proceedings.

Ayon sa report nahuli si Baldev bago makasakay sa Jetstar flight papuntang Singapore, dahil sa walang arrival stamp sa kanyang pasaporte.

Habang si McFarlane ay na-denied sa kanyang departure clearance ng Cebu Pacific flight patungong Melbourne, dahil sa pekeng arrival stamps sa kanyang passport. (froilan morallos)