Dalawang Dayuhan Tiklo sa Benguet

Inaresto ng pinagsanib na mga tauhan ng Bureau of Immigration (BI) Cordillera Regional Intelligence Administrative Unit at ng Presidential Anti-Organized Crime Commission (PAOCC) ang dalawang illegal na dayuhan na nagtatago sa Tuba, Benguet.

Kinilala ang dalawa na sina Wang Keping 35 anyos at Khuon Moeurn 37 anyos, at nahuli ang mga ito noong July 27 sa isang subdivison sa Barangay Poblacion Tuba Benguet.

Ayon sa report ni BI intelligence division chief Fortunato Manahan, Jr. si Moern ay isang Cambodian national, at walang mai-presentang papeles maliban sa litrato o picture ng kanyang pass port.

At si Wang na isang Chinese national ay mayroon hawak na valid Working Visa, bagkus dinampot din ito dahil sa paglabag ng Immigration Laws, na may kaugnayan sa harboring o pagkakanlong ng illegal alien.

Ang dalawa ay mananatili sa mga kamay ng POACC, habang ongoing ang deportation proceedings ng BI Board of Commissioners laban sa dalawa. (froilan morallos)