Chinese National Timbog Sa Paranaque City

Inaresto ng mga tauhan ng Bureau of Immigration (BI) operatives noong nakaraang araw ng Lunes ang isang Chinese national na nagpapatakbo ng isang residence-based cryptocurrency investment scam sa Lungsod ng Paranaque.

Ayon sa report nahuli ito ng BI Fugitive Search Unit (FSU) agents, sa pakikipagtulungan sa mga tauhan ng Criminal Investigation and Detection Group (CIDG) Regional Field Unit ng National Capital Region at ng mga kawani ng Department of Justice Office of Cybercrime.

Kinilala ang suspek na si Liu Feng, 41 anyos, at nadakip ito on the spot habang nago-operate ng kanyang workstation sa loob ng kanyang tinitirahan condominium sa may kahabaan ng  Diosdado Macapagal Blvd. Brgy. Tambo, Parañaque City.

At nasakote ito sa tulong ng kanyang kapwang Chinese national, na nahuli din bunsod sa pagpapatakbo ng online fraud operation, at bukod sa walang permit nadiskobre na si Liu ay overstaying mag mula pa noong October 2024.

Sa kasalukuyang si Liu ay nasa kostudiya ng mga tauhan ng Criminal Investigation and Detection Group (CIDG), at kasalukuyan sumasailalim ng imbestigasyon kaugnay sa mga drug paraphernalia na nakuha ng mga awtoridad sa loob ng kanyang condo.

At kinakaharap din nito ang deportation proceedings sa Bureau of Immigration, upang pabalikin sa kanyang port of origin at hindi na maaring makabalik sa bansa. (froilan morallos)