Mga Regional Director ng DPWH Ipinatawag Ng House of Representatives

Ipinatawag ng House of Representatives ang lahat ng mga Regional Director ng Department of Public Works and Highways (DPWH) sa buong bansa, upang ipaliwanag ang bilyon-bilyong pondo ng Flood control, makaraang ibulgar ni pangulong Ferdinand Marcos jr, sa kanyang State of the Nation Address ang matinding nakawan sa pondo ng Flood control.

Matapos makaranas ng mass flooding ang Metro Manila nitong nakaraang buwan at ibat-ibang lugar sa bansa, sa kabila ng ilinaan na malaking halaga ng pera upang maibsan ang pagbaha ng Metro Manila.

Batay sa impormasyon nakalap ng pahayagang ito, ang pinakamalaking pondo ng flood control ay ibinohus sa National Capital Region, ngunit sa kabila nito, parang bula na naglaho ang perang ginastos sa mga proyektong ito.

Ayon sa isang insider ng dpwh, sabwatan sa pagitang ng mga kawani ng departamento at diumanong ilang corrupt na politiko, ang nagging dahilan sa hindi tamang implementasyon ng mga proyektong ito.

Inamin ng isang kawani ng departamento na kapag hindi sila sumunod sa kagustuhan ng ilang politiko, maari sila ipatapon sa malayo o gawan ng paraan para matanggal sa kanilang mga trabaho.

Aniya para kaming mga presong nakatali sa kamay, at hindi maaring makagawa ng sariling desposisyon pagdating sa implementasyon ng mga proyekto.

At ayon pa sa insider sunod-sunoran ang hepe sa kagustuhan ng mga ito, maliban dito ang ibang politico ay mayroon sariling contractor na kanilangan sila ang maaring masunod, at kapag sinuway rekalmo ang aabutin. (froilan morallos)