Spanish National Inaresto ng FSU sa Pasig City

Inaresto ng Bureau of Immigration (BI), Fugitive Search Unit (FSU) sa tulong ng Philippine National Police (PNP) ang isang Spanish national bunsod sa kinakaharap nitong kasong serious domestic abuse.

Ayon sa report ng FSU kinilala ang suspek na si Pablo Escudero Pardo at nahuli ito noong July 16 sa Barangay Pinagbuhatan lungsod ng Pasig, dahil sa ihinaing reklamo ng kanyang live-in partner.

Napagalaman na si Pardo ay overstaying, matapos mag-expired ang kanyang working visa noong taong 2021, at hindi naisipan na i-renew hanggang sa kasalukuyang.

Si Pardo ay mananatili sa loob ng BI Warden Facility sa Taguig City, habang pinoproseso ang kanyang deportation order ng BI Board of Commissioners. (froilan morallos)