39 Chinese National Nasakote Sa BGC

Sinalakay ng Bureau of Immigration (BI) operatives ang isang telecommunication company sa Bonifacio Global City sa Taguig City, na siyang dahilan upang arestuhin ang 39 foreign nationals na nagtratrabaho ng walang kaukulang permit mula sa pamahalaan.

Batay sa impormasyon naisakatuparan ang ikinasang operasyon ng Bureau of Immigration Intelligence Division sa pakikipagtulungan sa mga kawani ng Philippine National Police Southern Police District (PNP)-SPD).

Ayon sa report ang 39 Chinese nationals ay walang mai-presintang mga valid documents kung kayat kinukonsidera na mga undocumented aliens sa ilalim ng Philippine Immigration rules.

Sa isinagawang imbestigasyon napagalaman na mayroon working visa ang sinasabing 39 Chinese national, na inisyu ng ibang kumpanya.

Na ayon sa immigration ito ay isang paglabag alinsunod sa ipinagkaloob ng ahensiya sa kanilang pansamantalang paninirahan sa bansa.

Ang mga dayuhang ito ay mananatili sa BI detention facility sa Camp Bagong Diwa Taguig City, habang naka-pending ang kanilang deportation order ng BI Board of Commissioners. (froilan morallos)