Abandonadong 27 Eroplano sa Airport Aalisin NG NNIC

Nakatakdang alisin ng New NAIA Infra Corp. (NNIC) sa Ninoy Aquino International Airport (NAIA) ang 27 inabandonang areoplano sa siyang nagiging sagabal sa operasyon ng Paliparan ayon sa pamunuan.

Ayon sa NNIC ang mga eroplanong ito ay pinabayaan sa loob ng airport ng mahabang panahon, katulad nitong Cessna 421B na inabandona mag mula pa noong taong 2009, at itong Boeing 737-200, kung saan sinakop ang 865.52 square meters sa may North Taxiway Extension, mag mula pa noong 2015.

Anila sa kapabayaan ng mga mayari ng 27 aircraft lumiliit ang capacity ng airport at aniya banta ito sa seguridad at nakakasagabal sa mga aircraft parking at ground movement, na siya rin nagiging sanhi sa traffic.

Ayon pa sa NNIC ang kanilang layunin ay ang ma-modernized ang airport kung kayat patuloy ang kanilang pakikipag-ugnayan sa mga stakeholders, Civil Aviation Authority of the Philippines (CAAP) at Manila International Airport Authority (MIAA) ng sa gayon maisa-ayos ang mga pasilidad ng airport.

Kaugnay nito aabisuhan  o padadalhan ng notice ang mga mayari ng mga eroplanong ito, bago ang gagawing hakbang sa pagpapa-alis ng sinasabing abandonadong 27 aircraft sa loob ng Paliparan.

Kasabay nito hinihiling ng pamunuan ng NNIC, na makipag-coordinate sa laong madaling panahon, at kapag binaliwala ng mga mayari ang kanilang panawagan, aalisi nila ito alinsunod sa pinaiiral na batas. (froilan morallos)