Chinese Money Launderer Tiklo sa Pasay City

Inaresto ng mga tauhan ng Bureau of Immigration (BI) ang tinaguriang number one Chinese money launderer na nagpopundo ng illegal POGO sa bansa.

Ayon sa report kinilala ang suspek na si Wang Zhouyu, 35 anyos, at nahuli ito noong March 4, 2025, ng BIs Fugitive Search Unit (FSU) sa kahabaan ng Roberts St. sa Pasay City.

Batay sa impormasyon si Wang ay mayroon standing Warrant of Arrest na inisyu noong February 18, 2025 ng Qinhuangdao Public Security Bureau sa kasong Pandarambong at paglabag ng Article 82 ng PRC Criminal Procedure Law.

Ayon sa Chinese Authority si Wang ay kasabwat sa grupo ng Money Laundering activities na naka base sa Mainland China,na siyang nagpa-facilitate sa fund transfer service of their illegal revenues.

Kung saan nakakulimbat ang grupong ito ng aabot sa 19 milyon Won sa kanilang illegal transactions, at nadiskobre ng mga awtoridad na siyang humahawak ng pondo sa kanilang illegal POGO operation sa bansa.

Si Wang ay kasalukuyang naka-deteni sa BIs facility sa Camp Bagong Diwa sa Taguig City, habang naka-pending ang kanyang deportation order sa BI Board of Commissioners. (froilan morallos)