American National Inaresto sa MIA

Inaresto ng mga tauhan ng Philippine National Police (PNP) Aviation Security Group sa Lapu-Lapu City, ang isang  45 anyos American national dahil pagdadala ng baril ng walang permit mula sa pamahalaan..

Ayon sa report ang dayuhang ito ay papuntang Surigao at nahuli ito kahapon sa Mactan-Cebu International Airport bago makasakay sa flight patungo sa kanyang final destination.

Nadiskobre ang kanyang dalang baril at mga bala pagdaan sa final X-ray, kung saan na-detect sa loob ng kanyang check-in baggage ang nasabing armas at 13 rounds of ammunitions.

Agad naman itong dinampot dahil sa paglabag ng RA 10591 o kilala sa tawag na Comprehensive Firearms and Ammunition Regulation Act.

Itong suspek ay kasalukuyang sumasailalim ng imbestigasyon sa opisina ng PNP AVSEGROUP sa Lapu Lapu City, (froilan morallos)