Ilegal Alien Timbog sa NAIA

Inaresto ng pinagsanib na mga tauhan ng Bureau of Immigration (BI) at Presidential ant-Organized Crime Commission (PAOCC) sa Ninoy Aquino International Airport (NAIA), si Yang Jianxin kapatid ni Michael Yang dating Presidential Economic Adviser noong nakaraang administrayon dahil sa mga ibat-ibang kaso na kinasasangkutan nito.

Ayon sa report nahuli si Yang ng mga tauhan ng BI’s Fugitive Search Unit (FSU), at PAOCC pagkababa sa kanyang sinakyan Cebu Pacific flight galing sa Cagayan de Oro City.

Batay sa impormasyon inakusahan si Yang ng falsification of Commercial documents, tungkol sa kanyang pagkukunyari bilang isang Pilipino na ilinagay sa Certification sa kanyang kumpanyang Phil Sanjia Corporation na inisyu ng Security and Exchange Commission (SEC).

Kinasuhan din Ito ng kanyang mga empleyado sa Social Security System (SSS) , PAG-IBIG at PhilHealth dahil sa hindi pag-remitt ng kanilang monthly contribution sa tatlong ahensiya ng pamahalaan.

Si Yang ay nasa kustudiya ng PAOCC, at kasalukuyang sumasailalim ng masusing imbestigasyon, at ang kasunod ay Ang deportation order. (Froilan morallos)