Conveyor Bumigay Sa NAIA Terminal 3

Mano-mano o binuhat isa-isa ang mga bagahe ng mga pasahero na pasakay sa kalang mga flight sa Ninoy Aquino International Airport (NAIA) terminal 3, matapos mnagkaaberya kahapon ang conveyor sa island D sa may departure area ng paliparan.

Hinihinalang nagging kapabayaan ito ng ilang tauhan ng Manila International Airport authority (MIAA) partikular na sa hanay ng mga naka-asayn sa maintenance, kung kayat bumigay ang naturang conveyor.

Noong una nagging stop and go ang takbo ng conveyor, ngunit kalaunan natuluyan, at minabuti ng mga cargo handler na buhatin ang mga bagahe, upang maiwasan madelayed sa kanilang mga flight iskidyul ng mga pasahero.

Sa kabilang banda wala naman nagging problema sa bagahe ng incoming passengers, sapagkat nasa normal ang takbo ng ibang conveyor, lalo na sa mga paparating pasahero mula sa ibat-ibang bansa.

Samantalang kapansin -pansin din ang pagdagsa ng mga miron na nagkumpulan sa may arrival area ng naia terminal 3, na anila tila daig ang pamilihang bayan.

Napagalaman na ang mga nagkumpulan miron ay sasalubong sa kanilang mga mahal sa buhay na galing sa ibat-ibang bansa , upang makasama sa selebrasyon ng pasko at bagong taon.