3,180 Gramo Ng Shabu Nasa mga Kamay ng PDEA

Hawak na ng mga tauhan ng Philippine Drugs Enforcement Agency (PDEA) ang 3,180 gramo ng Shabu na natagpuan sa dating Club Manila Launch na matatagpuan sa ikatlong palapag ng Ninoy Aquino International Airport.  (NAIA)

Ayon sa report ng NAIA-PDEA Drug Enforcement Agency, natuklasan ang mga ito ng isang construction forman na si Paul Anthony Padilla sa loob ng lumang cabinet habang ginigiba ito ng kanyang mga tauhan.

Kung saan tumambad sa kanyang harapan ang tatlong malalaking improvised pouch na naglalaman ng 3,180 gramo ng hinihinalang shabu na umaabot sa 21,624,000.00 milyong ang halaga.

Sa kasalukuyang on going ang isinasagawang imbestigasyon ng mga tauhan ng PDEA, upang matuklasan ang salarin o nagpasok ng drogang ito sa loob ng airport.

(tony gildo)