17 Filipino Na Biktima ng Human Trafficking Ipina-deport Ng Malaysia

 Labing pitong Pilipino na pinaniniwalaan mga biktima ng human trafficking ang ipina-deport ng Malaysian government matapos umalis sa kanilang mga pinaglilingkuran dahil sa hindi nakayanan ang kanilang sinapit na pangaabuso at kalupitan ng kanilang mga amo.

Ayon sa report dumating kahapon (October 25) sa Zamboanga City ang mga biktima sakay ng M/V Antonia mula sa Malaysia at agad na sinalubong ng mga kawani ng Immigration.

Umalis sa bansa ang mga ito noong taon 2023 sa pamamagitan ng backdoor o hindi dumaan sa tamang proseso via Jolo Sulu sakay ng speedboat patungong Malaysia.

Kasama sa grupo ang isang pamilya na-recruite upang magtrabaho sa isang palm oil company na pagmamayari ng isang Chinese national,at pinangakuhan ng 2,000 Malaysian Ringgit /per month, ngunit hindi nakayanan ang kalupitan na ginawa ng kanilang employer.

Na siyang naging dahilan upang humingi ng tulong sa pamahalaan para makauwi sa bansa sa lalong madaling panahon, at sa kasalukuyan ang mga biktima ay nasa pangangalaga ng Department of Social Welfare and Development (DSWD) (froilan morallos)